Qëllimi ynë është t’u japim personave me biografi migracioni informacione dhe këshilla për jetën e tyre të përditshme:

  • Ku ka rreziqe për shëndetin e të rriturve dhe fëmijëve?
  • Si mund të njoh sjelljet me rrezik që herët? Kur duhet të veproj?
  • Çfarë mund të bëj sot vetë për të mbetur i/e shëndetshëm edhe në të ardhmen? Si mund t’i mbështes fëmijët (e mi) dhe të tjerët?
  • Ku mund të gjej ndihmë/mbështetje/këshillim profesional?
  • Cilat janë pikat e mia të forta personale dhe kush mund të më mbështesë?

 

Migrimi është po aq i larmishëm sa edhe njerëzit që e përjetojnë.

Me termin "migrante" ose "migrant", që e përdorim në faqen tonë të internetit, nënkuptojmë të gjithë ata që vetë, ose prindërit e tyre, për arsye politike, ekonomike, familjare apo për arsye të tjera personale, e kanë lënë vendlindjen dhe tani jetojnë këtu në Zvicër. Larmia mes tyre është shumë e madhe. Ne mund t’i arrijmë qëllimet e punës sonë vetëm nëse e marrim parasysh këtë larmi në ofertat tona.

Me ofertat tona u drejtohemi këtyre grupeve:

Migranteve dhe migrantëve

Informacione mbi temat e shëndetit dhe parandalimit në shumë gjuhë dhe forma (material informues, aktivitete, podkaste, video, teste online).

Specialistëve dhe shërbimeve profesionale si shumëzues/e

Specialistëve dhe shërbimeve profesionale që duan të mbështesin dhe informojnë migrantet dhe migrantët për temat e shëndetit duke e bërë më të njohur ofertën tonë.

Specialisteve dhe shërbimeve që kërkojnë mbështetje

Specialistëve dhe shërbimeve profesionale që duan të arrijnë migrantet dhe migrantët me projektet dhe aktivitetet e tyre dhe kërkojnë mbështetje të synuar.

Parandalimi i varësive

Parandalimi i varësive fillon qysh te fëmijët e vegjël dhe ka të bëjë me të gjitha gjeneratat: sa më herët që të ofrohet mbështetja dhe që të nxiten zhvillimet pozitive, aq më pak probleme do të paraqiten më vonë.

Promovimi i shëndetit

Promovimi i shëndetit në jetën e përditshme kontribuon në mirëqenie dhe parandalimin e shumë sëmundjeve, p.sh. përmes ushqyerjes të shëndetshme, shumë lëvizjes dhe një shëndeti të fortë mendor.