Mediat digjitale (interneti, celulari, etj.)

Përdorimi i internetit dhe mediave digjitale ka shumë anë të mira. Por ka edhe rreziqe. Veçanërisht tek fëmijët dhe të rinjtë është e rëndësishme që ata të mos shpenzojnë shumë kohë në internet, telefona celularë ose lojëra kompjuterike.

Prindërit mund të mësojnë se si t'i ndihmojnë fëmijët e tyre të gjejnë një ekuilibër midis jetës «reale» dhe jetës digjitale. Për këtë FISP ofron aktivitete, podcasts dhe broshura në gjuhë të ndryshme. Kështu prindërit mund të kujdesen për këtë që fëmijët e tyre të mos kenë asnjë problem me përdorimin e mediave digjitale.

Aktivitete

FISP ofron takime informimi dhe diskutimi për migrantet dhe migrantët:

të udhëhequra nga ndërmjetsues ndërkulturor të trajnuar
kryesisht në grupe ose organizata të migrantëve
zakonisht në gjuhën amtare të pjesëmarrësve

Prindërit e dinë se çfarë janë mediat digjitale dhe cilat mundësi dhe rreziqe lidhen me to. Ata mësojnë si të krijojnë përdorim të shëndetshëm të mediave digjitale në përditshmërinë familjare.

Tema

Fëmijët dhe mediet digjitale (Interneti, Celulari, TV-ja, Lojërat)

Mediet digjitale ofrojnë mundësi dhe rreziqe. Si mund t’i ndihmojnë prindërit fëmijët e tyre për të zhvilluar një qasje të drejtë ndaj tyre?

Grupet e synuara dhe mjediset

Grupet e synuara: migrantet dhe migrantët, veçanërisht prindërit

Madhësia e grupit: 8 – rreth 20 të rritur

Vendet/mjediset e mundshme të realizimt:
Shoqata, organizata dhe grupe migrantësh, qendra takimi, projekte / institucione të fushës sociale dhe arsimore

Podkaste

Fëmijët dhe mediat digjitale

Pjesa 1: Çfarë nënkuptohet me media digjitale? Si e përdorin vajzat dhe djemtë internetin dhe para së gjithash mediat digjitale? Cilat janë mundësitë dhe rreziqet e mediave digjitale?

Pjesa 2: Çfarë duhet të dinë prindërit në lidhje me përdorimin e mediave digjitale në familje? Çfarë mund të bëjnë prindërit, në mënyrë që fëmijët e tyre të zhvillojnë një sjellje pozitive ndaj mediave digjitale? Sa shumë TV, celular, kompjuter në ditë është e arsyeshme?

Pjesa 3: Si mund të dallohet, nëse dikush ka një përdorim problematik me mediat digjitale apo madje është edhe i varur prej tyre? Çfarë mund të bëjnë prindërit, nëse fëmija i tyre ka një konsum problematik të mediave? Çfarë mund të bëjnë prindërit për veten e tyre?